LA POESIA CHE HA COMMOSSO IL CARDINALE SEPE

Nell’ambito della manifestazione Vervece 2020, organizzata e diretta da Gaetano Milone, oltre al conferimento della cittadinanza onoraria della Città di Massa Lubrense al Cardinale Crescenzio Sepe da parte del Sindaco Lorenzo Balducelli, ad un certo punto il moderatore ha chiamato Rosario Di Nota, noto poeta sorrentino, il quale ha regalato e letto al Cardinale una poesia. In essa è sviluppata in versi e parole poetiche cenni di biografia dell’eminenza. Alla fine della lettura, tra gli scroscianti applausi del pubblico, Crescenzio Sepe , con voce rotta dall’emozione si è detto commosso. Dal minuto 25 del video della diretta trasmessa dagli inviati di Positanonews, potete vedere questo momento emozionante.

Se scrive Porpora
ma se legge Ammore!
N’ammore senza sparagno,
chesto è stata ’a vita toja,
corza tutta nu sciato,
cu Ddio, penziero lucente,
a ffarte sempe cumpagnia.
Tu, asciuttàta ogni llacrema,
hê dato forza a cchi se susèva
doppo na caruta, senza na speranza;
cu ’a fede appicciata ’int’ô core
ce parlave d’ ’e ccose
d’ ’o cielo, ca so’ è cchiù ddoce.
Ogni mmatina, quanno Napule
dorme ancora, na carezza liggiera
t’allumma ll’anema:
È cchell’Ostia santa
ca sbrenne cchiù d’ ’o sole
e cca reschiara ogni ffatica.
E ppo’ vaje currenno p’ ’e puoste
stramane, purtanno ’a Parola ca fa luce,
asciuttànno na lacrema ca sponta,
accarizzanno a cchi se sceta
ggià cu ’a croce ncopp’ê spalle.
Na vesta scura, cu ll’uocchie
vasce,t’accuoste ‘e puovère
comme faje cu ardàre,
e abbasta na parola,na carezza toja
affinanchè ogni llamiento se carma
danno sullievo a cchi campa
int’â na vita fatta sulo ‘e pene.
Ogge Massa Lubrense t’arapere
sti bbraccia e tte spalanca ‘o core,
pe nnuje nun si’ n’amico, cce si ppate!
E ‘nfaccia a sta ggente,
che è semprice e sincera,
ce liegge scritta sulo “cuntentezza”
e schioppano ‘e sciure int’ ê ciardine,
e reluce stu mare cchiù splennente.
Pure ‘e campane,pare so’ sfrenate,
facenno ‘o rincurrino cu l’aucielle.
E Ssanta Mmaria d’’a Lobbra ,ca nce mmamma,
tenènnote p’’a mano t’accumpagna,
e int’â sti bbraccia soje te tene stritto!

Scritta in occasione del conferimento
della cittadinanza onoraria
A S.E. Rev.ma Card. Crescenzio Sepe
06.09.20