Positano News - Notizie della Costiera Amalfitana Penisola Sorrentina Campania - Positano News

Chesta è casa mia e nisciuno s´ha dda permettere …

Più informazioni su

 Aggiu penzato nu bellu ppoco ‘e tiempo. Sapite, songo n’essere cu na marea ‘e pazienza, ma mo … overo sta addeventanno nu pocurillo troppo assaje. So’ ddoje anne ca dico ca ccà â casa mia d”o “ppoco ‘e cemento” nun se ne parla … ca tantu ppoco nun è … na muraglia ‘e 24 metre … nzomma nun ‘o vvoglio. Nun voglio ca tagliano ‘ll’arbore ca so viecchie cchiú ‘e me e hanno visto generazzione ‘e salamandre cu ‘e llente e pure tanti ati anemale e chiante rare ca stanno ccà. Nun voglio ca pe “nu poco” ‘e rrobba moderna fanno murí a tutta sta cosa bella.

E mmo t’aggi”a dicere nu segreto … be’ nun ‘o sanno tuttequante, quaccheduno già ‘o ssape: dummeneca ‘o 19 ‘e luglio ê 10 d”o matino pò venì a me truvà … nun è bello chesto? Però allicordate: io so’ tantu piccerella. Penzo ca a vedé tanta gente sarria nu spaviento pe mme e nun ve pozzo garantì ca ve dongo ‘a mano. Ma nce sta na perzona, Gianni, chillo ca vive ccà cu nnuje, ca ve fà vedé ‘e segrete d”e mmeje. Ve vulisse tantu vedé ccà – hmm … forse pozzo nun penzà â paura ‘e tanta gente e me faccio vedé … me raccumanno – vieneme a ttruvà. E adoppo vedimmo se ve pozzo cuntà nu poco ‘e storie ‘e chesto vallone: ‘o Vallone d”o puorto ‘e Positano.
Haje ntiso? Tiene ‘a venì ccà ‘o 19 ‘e luglio ê 10 d”o matino. T’aspietto.

Sally of the Valley

p.s.: e chistu ccà è ‘o sitio d”o mijo: http://valloneporto.i-iter.org … e ca te credive ca nun ‘o tenevo?

*****

Autòre: Sabine Emmy Eller, http://voxhumanitatis.org
Revesiòne: Carmine Colacino, http://duesicilie.org

Più informazioni su

Commenti

L'email è richiesta ma non verrà mostrata ai visitatori. Il contenuto di questo commento esprime il pensiero dell'autore e non rappresenta la linea editoriale di Positano News, che rimane autonoma e indipendente. I messaggi inclusi nei commenti non sono testi giornalistici, ma post inviati dai singoli lettori che possono essere automaticamente pubblicati senza filtro preventivo. I commenti che includano uno o più link a siti esterni verranno rimossi in automatico dal sistema.