´A RIGGINA ´E TUTT´´E STELLE!

Più informazioni su

    ‘A RIGGINA ‘E TUTT”E STELLE!

    M’arricordo Napule d”e tiempe antiche
    quanno esisteva ‘o mare, ‘o sole e ‘o vero amico.

    Mo chiagne Napule, “‘a riggina”,
    pe’ colpa ‘e sti pulitiche mappine,
    che songhe proprio ‘a fotografia
    ‘e tutt’ ‘a munnezza miez’ ‘a via!

    Napulità. cacciammo ‘e mariuncielle,
    facimmo turnà a Masaniello.

    Napule, fàmme senti’ ancora manduline e tarantelle,
    torna a essere ‘a riggina, “‘a reggina ‘e tutt”e stelle.”

    Senature e deputate jate sulo p’ ‘abbuffata,
    site artiste ‘e quatte sorde, facite sulo ‘e sceneggiate.

    Site pronte a fa’ mmarenna cu ‘a camorra e cu ‘a schifezza
    e a ttavula ve ‘ngrassate ccu ‘a munnezza!
    Nghiurite stu sipario ambressa ambressa,
    ‘o popolo s’è scetato ,nun ‘o pigliate cchiù pe’ fesso.

    ‘A ggent’ ‘e Napule è signore, tene core e fantasia,
    è mamma e figlia d”a canzone e d”a poesia.

    Napule, fàmme sentì ancora manduline e tarantelle,
    torna a essere ‘a riggina, “‘a riggina ‘e tutt’ ‘e stelle.”
    Mimì Palmiero.
     http://it.youtube.com/mimipalmieroit

    Più informazioni su

      Commenti

      Translate »