Poesie di Gianfranco Brienza

                 Arbero adduruso

Stò menato ‘ncopp’ ‘o lietto

Guardo attuorno, penso a te.

Quanta male, ca me fatto? 

Io  nun t’aggio donna Carmè!

Tengo n’arbero ‘e rimpetto

chin’ ‘arance assaie addurose

ca na smania mette ‘mpietto

mentre penso tanta cose!

Nu pensiero me consola

Tengo ‘a vita ‘nnanze a me

Tu menàta ‘ncopp’ ‘o lietto

nun tiéne arbere ‘e rimpetto

nun c’è vita ‘nnante a te!

Mentr’ io assaporo, già ‘a vendetta

farte chiangnere pe mme!…