11 novembre- San Martino. – Il proverbio dice: “a San Martino ogni mosto è vino!…"

0

 

11 novembre- San Martino. – Il proverbio dice: “a San Martino ogni mosto è

vino!…”

Aria ’e vennegna

P’ ’e vvigne secche rosse gialle verde,
rallegra ’o core ll’aria d’ ’a vennegna!

 

P’ ’addor’ ’asprinio ’a pucundria se sperde
e n’ allerezza p’ ’a campagna regna.

 

Gente se move attuorn’ ’a massaria,
quase mbriacata ’a ll’aspro ca se ’mpregna
e ca rinforza ’a vita e ’a fantasia.

 

Schiacciata è ll’uva e fermentanno, ’o vino,
nziem’ ’a vinaccia créa l’armunia.

 

È festa arcana. È n’attimo divino.
Se canta e se pazzéa. L’eco risona.
Abballa ’a parzunala e ’o contadino.

 

Fin’ ’o tramonto ch’ ’a campana sona
e addobbeca massare e campagnole.

 

Pe’ ll’asprulenza ca cunzola e stona,
tutto s’addorme appena è sciso o sole.

 

Salvatore Cerino