Premiato Carmelo Pittari.

0

Primo Premio al Concorso “ARTEINCENTRO” 2011

dell’Associazione Culturale Messinaweb.eu

 

 

 

 

 

‘E CARTE VECCHIE

 

di Carmelo Pittari

 

 

 

N’amico ca è venuto a casa mia

 

m’ha ditto ca è rimasto stupetiato:

 

libbre, giurnale, carte ammuntunate …

 

“Ma chesta è rrobba vecchia, che n’e’ ‘a fà ?”

 

Amico mio, qua ci stà la storia,

 

‘a storia ‘e Napule,

 

‘a storia d”o triato e d”e ccanzone.

 

Cca ce stà papà e mamma mia,

 

” ‘o nonno, ‘a nonna, ‘e zie

 

ca m’hanno mise ‘e libbre e ‘a penna ‘mmano,

 

ca m’hanno fatto capì

 

‘sti carte vecchie quanta fanno bbene.

 

Ccà nun ce stanno storie ‘e malavita,

 

femmene e femmenielle depravate,

 

ne scippature, ne muorte assassinate.

 

Ccà ce stanno ‘e fatte ‘e tanta ggente

 

ca teneva ‘e cerevella fine,

 

e teneva arte, scola e pensiere,

 

e nu quintale ‘e core;
gente ca se faceva ‘a croce ogne matina.

 

Ccà ce stanno puesie, cummeddie, musiche

 

ca fanno ancora pensà,

 

ridere, chiagnere e sunnà.

 

Ogge ca ‘o munno e ‘nzipeto,

 

‘mbriacato e malamente,

 

nun ce vò sulo ‘o carcere,

 

p’arremmerià ‘sta gente,

 

ce vonno ‘sti carte vecchie,

 

pe’ crescere e pe’vulà.

 

 

 

 

[Dalla nota ricevuta; segnalazione di Maurizio Vitiello.]