ARMANDO FUSARO, POETA NAPOLETANO, ci HA INVIATO 2 POESIE CON RICHIESTA di PUBBLICAZIONE.
Pulecenella
Pulecenè!..
‘E meglie puete
hanno scritto pe’ tte,
puisia e canzone,
pur' io, cu sti vierze
te voglio arricurdà.
Acerra,
'o mille e cincuciento
nascette nu criaturo,
pe’ scherzo d’ ‘a natura,
na macchia assaie scura,
‘nfronte, ‘nfaccia capitaie.
Puccio D’Aniello, Pauluccio
d’ Acerra, Paolo Cinella,
chisti nomme ammiscannele
nascett’ ‘o tuio, Pulecenella.
De Martino, Antonio Petito,
Gianni Crosio e De Muto,
c’ ‘a chitarra, ‘o cuppulone
e ‘a maschera, Pulecenella,
ha ggirato tutt’ ‘o munno.
E cchì s’ ‘o ccredeve,
scetavaiasse, caccavella
triccabballacche, e putipù,
so’ secule, Pulecenella
nun scumpare cchiù!..
Pulecenella…
filosofo ‘e sta città,
dint’ ‘o museo, d’Acerra,
ancora fa’ ridere e sunnà,
accompagna ‘int’ ‘a storia,
furastiere, ggente ‘e ogne età,
porte dint’ ‘o core allerezza,
ll’ammore e tanta felicità.
Armando Fusaro
‘E pparole
So’ tant’ anne, pare aiere,
fu’ scritto nfaccio ‘o muro,
pace, amore e libertà!...
Ma nu sciuscio ‘e viento
fu comm’ ‘a nu turmiento,
cancellaie chesti pparole
e nun restaie cchiù niente.
E ‘o munno nun se scorda,
fu’ pe ‘na missione ‘e pace…
e…sse facette n’ata guerra.
Chillu calculo sbagliato,
proprio dint’ ‘a nu mumento,
na bomba “intelligente”
distruggette tanta ggente.
N’ata guerra mò è scuppiata,
è na guerra senza bbombe,
tanta ggente s’è ‘mpazzuta
pe’ ‘sta leggia ca se vo’ fa’,
tutte diceno: ca ‘a “D.IC.O.”…
è na leggia ‘e pace, ‘e libbertà.
Ma mettimmancello ncapa,
int’ ‘a cervella, ca ll’ommo
l’ha criato Ddio ncopp’ ‘a terra,
tutte chesti guerre hanna fernì!...
E ‘a dint’ ‘o core ê ll’uommene,
‘o mmale, ‘o riavulo add’ ascì.
Armando Fusaro
Caro Armando, eccoti accontentato.
Alberto Del Grosso
Articolo Precedente
