Na nova mappa ´e Positano

Quacche parola ncopp'a nnova mappa 'e Positano.

Bonasera.

'E carte giugrafiche e 'a cultura cu ppoche resorse … 'int'a nu primmo mumento s'ha dda dumanna overo si nce stanno cose simile nfra tutte 'e ddoje.

Stassera stammo ccà pe ve fà canoscere na nova mappa 'e Positano … na mappa ca tene tanti particulare,  cu tutte 'e scale e cu tutte 'e vicarielle ca nce stanno. Tanta gente d''o puosto mmo pò truvà 'e ccose annascoste, e pure 'e turiste tenerranno 'a pozzibiletà 'e scuprì 'int'a na manera cchiù semprece 'a vita vera d''o puosto. Sapimmo ca 'o turista moderno nun vô 'e ccose ca se ponno vedé subbeto, isso mmece vô chillu pizzico 'e pepe ca fà addeventà 'a vacanza úneca, na cosa ca se pò cuntà e allicurdà quanno torna â casa soja.

Ajère ssera aggiu penzato comm'e songo 'e ccose pe ll'attività nuoste. Stammo cercanno 'e fà vedé 'e ccose ca songo autentiche overo, 'e sarvà 'e ffatiche 'e na vota, chelle d''a tradizzione nosta e tutto chello ca è parte d''a curtura locale. Spisse vote chesti púteche piccerelle songo quase sparute e si nce stanno ancora, se ponno trovà 'int'e vicarielle ca songo "annascuste d''o granne pubbreco". Ogge vuje a Positano tenite na cosa pe ffà vedé ê perzone addo' se trovano 'e puoste autentiche annascuste ca se ponno trovà, solo pe ve dà n'asempio, ncopp'a na facciata 'e na casa, na púteca addo' nce sta ancora na perzona ca fà na fatica tradizzionale, na cosa scritta ncopp'a quacche preta o forse nce sta sulamente na vista assaje bella 'a vedé 'e nu scorcio 'e paese..

Mo sí ca putite scuprì overo n'ata vota 'o paese d''o vuosto diverzamente e 'o pputite trasmettere ê perzone ca veneno. So' quase secura ca c''o tiempo ve addunnarete quanti ccose 'e casa vosta nun sapevate.

Grazzie assaje.

*****
Autòre: Sabine Emmy Eller, http://voxhumanitatis.org
Revesiòne: Carmine Colacino, http://duesicilie.org