Amalfi e il canto di Capodanno
Più informazioni su
Riproponiamo per queste feste il canto di Capodanno dell’ing Ruggero Francese, il cui nome è legato alla Grotta dello Smeraldo, ma che non disdegnava di dilettarsi in prosa e poesie. Non pretendiamo di sostituire la tradizionale canzone di Capodanno, ma affiancarla con un pregevole prodotto doc ,strettamente legato al territorio e alla storia amalfitana. Pregno di una visione proletaria di quell’epoca e quindi figlio del suo tempo, oggi lo possiamo riguardare, senza nostalgie, per i valori letterari, come un prezioso e antico cimelio e magari riascoltarlo da qualche corale o gruppo folkloristico.
Questo canto popolare, scritto nel dicembre del 1946 dall’ing. Ruggiero Francese di Amalfi (per chi non lo ha conosciuto è colui che sveglio’ dal sonno dei secoli la meravigliosa grotta dello smeraldo), rappresenta un patrimonio, da preservare e trasmettere ai posteri. In esso è racchiusa la “memoria collettiva degli anni che furono” della classe operaia amalfitana, forse quella di tutta l’Italia meridionale, sopravvissuta al conflitto della seconda guerra mondiale, che con tutte le sue contraddizioni ha contribuito allo sviluppo, politico e culturale del Paese.
Capodanno dei Lavoratori dell’ing. Ruggiero Francese Amalfi dicembre 1946
Introduzione
Venuto è l’anno nuovo
Venuto è finalmente,
Pe’ tanta e tanta gente
in aspettanza.
Ritorna cu’ speranza,
Ogni anno in questa notte,
Co’ tric-trac e botte
in allegria.
^^^^
Venette lu Messia
C’o voie, o ciucciariello,
li Maggi, o Vicchiariello
e la Madonna.
Dalla lontana sponda
‘na voce se sentette,
‘na luce se vedette
lucente assai.
Nun s’era visto mai
nu’ fatto accusi strano,
o munno sano sano
s’arrevutaie.
O popolo alluccaie:
evviva l’eguaglianza,
l’eterna fratellanza
e la giustizia.
Evviva l’amicizia
tra ricco e puveriello;
Nu’ cielo pe’ mantiello
Tutti tenimmo.
‘Na legge po’ vulimmo:
“Cca’ chi fatica magna”
pecche’, chesta cuccagna,
Troppo è durata!
Chiu’ d’uno a sta parlata,
avette a cacarella,
pigliaie a fujarella
E fuje ancora.
Era venuta l’ora
de rompere e catene,
de cunsula’ lli pene
all’innucienti.
Ma po’ cierti putienti,
passata a vermenaria,
tornarono cull’aria
ammartenata.
Facettere ‘adunata
Principi e farisei,
dicenne: ‘sti babbei
se so’ scetati.
Mo simmo arruvinati,
si nun facimme ampresso,
ma cca’ nisciuno è fesso
e l’aspettammo.
‘A cca’ nun ce ne jammo,
si no perdimmo a giobba,
ca’ tutta che sta rrobba
è rrobba nostra.
Pe’ ch’ella ca c’è costa
tenimmencella cara,
che a vita è troppa amara
Pe’ chi fatica.
Poc’ati jouorni trica,
e Giuda o traditore,
c’è venne o Redentore
Pe trenta lire.
E mo ce sta’ chi rire,
chi chiagne e se dispera,
e da’ matina a’ sera
nun trova pace.
E tu, famme capace,
mo so’ dojemillanni,
pecche’ chiesti malanni
ce stanno ancora?
Valeva a pena, allora,
de mette ‘ncroce a Cristo,
si l’ommo è sempre ‘nzisto
e mariuolo?
E chi scampa o biuolo,
e chi scampa a dispensa,
vurria sape’ che pensa
sta faccia ‘e fesso!
Ma o munno è sempe o stesso,
che vene, a dittatura?
Ognuno s’assicura
sotto a bannera.
Passa gagliarda e fiera
La nuova gerarchia,
va dritto all’osteria
de la cuccagna.
“Chi nun fatica magna …”,
era l’insegna nova
perciò’ mo’ nun se trova
nu’ poco e lardo.
E chi nu’ miliardo
chi ciento milioni,
tra Principi e Baroni
se so’ magnati.
Perciò simme restati,
parlanno co’ creanza,
na mano ‘ncoppa a panza
e n’ata arrete.
Sto munne overo fete,
vulette n’ata guerra,
e mo co’ culo ‘nterra
Simm’ arredutti.
Ca chilli farabutti
C’a famma imperiale,
ci hanno fatto ‘o stivale
comm’a gavetta.
Fucile e baionetta
e zaino affardellato,
o’ piello t’è salvato?
e paghe e tasse!
E tasse, e contrastasse,
chillo ca s’e’ ‘mbuscato,
muglierete a’ vasato
e tende a pezza.
Chi porta la capezza
chi tene ‘o scurriato,
sto munne sempe è stato
nu munno e ‘mbruoglie.
E chi se fotte l’uoglie
e chi s’arranfa a ‘nzogne
chi s’aggranfa cu ll’ogne
a lì Cumuni.
E tutti sti cugliuni,
se stanno sempre zitti,
sempre fritti e soffritti
comma a’ cepolla.
e lla’ nun piglia a colla,
cca’ manca o francobollo,
trentotto lire e bollo
ogni tre ore.
Io so lavoratore
e tengo dieci figli,
amor, che mi consigli?
“Forza e curaggio !”
Si po’ qualche rammaggio
Te coglie all’intrasatto,
è meglio fa nu patto
co’ Pateterno.
E’ meglio o’ fuoco eterno
ca na ricette e mierico,
vurria turna’ chierico
in oggi è sempre!
Cu’ “sempre” e cu’ latempre,
nun mangio a’ jeri o juorno,
e nun me metto scuorno
e fa’ sta vita.
E maccaruni ‘e zita
nun veco so’ a cinc’anni
e tengo sule e panni
ca tengo ‘ncuollo.
Nun saccio o capocuollo
chiu’ che sapore tene
e chille se ne vene
cu’ l’eguaglianza.
E mente che sta panza
me canta a traviata
a Londra s’e’ fissata
a cunferenza.
Tu vire quanta scienza!
Aprimmo o bailamme,
o munne a fuoco e fiamme
e po’ sta storia.
Ma chesta è ‘na baldoria
c’a’ dda’ ferni’ ‘na vota.
C’a’ capa già m’arrota,
si ce rifletto.
Cu’ chillo gabinetto,
cu’ tanta chiacchiaruni,
‘nu chilo e maccaruni
Cca’ nun se trova.
Pe’ fa ‘na cosa nova
te fanno ‘nata legge,
viato chi la legge
E la capisce.
O muro è tutto strisce,
partiti e partitielli,
io voglio e vermicelli
‘a aglio e uoglie!
Ann’a ferni’ ‘sti mbruoglie,
chi magna e chi fatica,
cu’ a zappa, a pala e a pica
tutto s’acconcia.
Co’ pane e oncia a oncia
a pasta e etto a etto
cca’ va fferni’ ca jetto
O sangue all’uocchie!
E tu nun me mpapuocchie
cu’ sta demucrazia
ca’ chesta litania
mo’ tutti a sanno.
E mo’ sta parlanno Trumanno,
e po’ parla Ciurcillo,
‘nu serpe pe’ capillo
me sento ‘ncapa.
Io credo è meglio ‘a crapa,
ca nun legge ‘o giurnale
ne’ sape ‘o Quirinale
che vene ‘a essere;
ca nun conosce ‘e tessere,
e sti duluri ‘e panza
tre liette e una stanza
tutta a famiglia;
tu vi’ che parapiglia
ce steve appreparato,
pe’ ‘nu pazzo sfrenato
e l’autarchia.
Pe chella frennesia
de fa’ o fondatore
avimmo perso o core,
a pace e o scuorno.
Mo sento pe’ cca’ attuorno
parla’ e munarchia,
segno, manca a pazzia
trova chiu’ pace.
Ma si nun ve dispiace
i song p’a Repubblica,
pecche’ è cosa pubblica
e manifesta.
“Forca, farina e festa”,
ma po’ squaglia a farina,
e doppo te combina
‘sto patatracco.
Mo v’arravaco o sacco,
poc’ato c’è restato,
forse v’aggio annuiato?
Ma mo fernisco.
‘A cca’ sento ‘nu sisco:
“e’ questi la Repubblica?”
Ma che sta è a repubblica
d’a monarchia!
Pe’ la democrazia,
dalla vicina costa
Trieste già se sposta
Bella e sincera.
Ma nun me pare overo:
ca’ mo c’aggiu fernuto
nun tengo chiu’ appetito
pe’ la priezza.
O ciucco c’a capezza,
e l’ommo cu’ li fatti,
viva Nenni e Togliatti!
Tutti alluccammo!
E jammo, jammo, jammo!
Ca’ priesto vene giugno:
Falce e Martello in pugno
Tutta l’Italia!